مع ديوان (جنة الحب) ـ للأطفال ـ للشاعر / جمال البيلي

 أولا : الســــيرة الذاتــــية للشــاعــر/ جـــمـــال البـــــيـلي

 

بسم الله الرحمن الرحيم 
 الشــــاعـــر/ جــــمــــال البـــيـــلي

الســـــــــــيرة الذاتـــــــــــية

*الاسم : جمال أحمد طه محمد البيلي.

*الجنسية : مصري ومن مواليد مدينة الإسكندرية عام  1965

*موظف بالإدارة الهندسية لحي الجمرك بمدينة الإسكندرية سابقاً ويعمل حالياً مدوناً بدون أن يتقاضى أى أجر.

*فنان شامل في مجالات الأدب والموسيقي والفن التشكيلي وبدأ رحلته مع الفنون من عام1981 وحتي الآن.

*في مجال الأدب : يكتب جميع فنون الأدب العربي

حيث يكتب : الشعر الفصيح - الزجل والأغنية - القصة الزجلية ـ القصة القصيرة - المسرحية - الرواية.

*في مجال الموسيقي : عازف أورج وبيانو وله محاولات متعددة في الغناء والتلحين.

*في مجال الفن التشكيلي : مصور فوتوغرافي محترف ومتخصص في فن البورتريه.

إنجازاته مع الفنون :

ـ1ـ قام بتأليف أكثر من 35 كتاباً متنوعاً في شتي مجالات الأدب العربي نجح فيها في إضافة فكراً جديداً وأسلوباً مبدعاً للأدب العربي في العصر الحديث.

ـ2ـ حصل علي المركز الأول فى الشعر علي مستوي  جمهورية مصر العربية في المسابقة القومية الخاصة بحماية البيئة والتي نظمتها وزارة الشباب المصرية بمدينة كفر الشيخ في عام 2000.

ـ3ـ حصل علي المركز الأول في الزجل علي مستوي جمهورية مصر العربية في نفس المسابقة.

ـ4ـ حصل علي المركز الثاني في الأغنية علي مستوي جمهورية مصر العربية في المسابقة القومية (لا للتدخين) والتي أقامتها وزارة الشباب المصرية بمدينة كفر الشيخ في عام 1999.

ـ5ـ كما حصل علي المركز الأول في 4 مسابقات بمفرده وهي مسابقات الشعر والزجل والأغنية والقصة القصيرة علي مستوي مدينة الإسكندرية في تصفيات المسابقة السابقة.

ـ6ـ حصل علي العديد من الجوائز وشهادات التقدير علي أعلي المستويات.

ـ7ـ عضوعامل في إتحاد كتاب مصر.

ـ8ـ عضو جماعة الأدب العربي بالإسكندرية.

ـ9ـ عضو كورال سيد درويش بمركز الإبداع بالإسكندرية.

ـ10ـ عضو مرسم مركزالإبداع اًيضاً بالإسكندرية.

ـ11ـ نُشرت له العديد من الأعمال الأدبية في الصحف والمجلات.

ـ12ـ شارك في العديد من المهرجانات الشعرية والأدبية والثقافية علي مستوي جمهورية مصر العربية.

ـ13ـ شارك بالغناء في العديد من الحفلات الغنائية وعلي رأسها مهرجان سكندريات العالم الدولي.

ـ14ـ قامت إذاعة الإسكندرية بإستضافته عدة مرات في مختلف برامجها الثقافية والأدبية مثل برنامج (صور من الشعر) وبرنامج

(مع هذا الأديب) وبرنامج (أدب الشاطئ) وبرنامج (المجلة الثقافية).

ـ15ـ لديه مجموعة كبيرة من الأغنيات معروضة علي لجان النصوص الغنائية بالإذاعة والتلفزيون.

ـ16ـ لديه 105 أغنية تم تلحينها بالفعل وتوزيع بعضها توزيعاً موسيقياَ بواسطة كبار الملحنين والموزعين في الإسكندرية ومن بينها أغنيات قام بكتابتها بسبعة لغات وهي الإنجليزية والفرنسية والأسبانية والإيطالية والألمانية واليونانية بالإضافة إلي اللغة العربية.
ـ17ـ قام بترجمة خمسة كتب من مؤلفاته الأدبية من اللغة العربية إلي اللغة الإنجليزية وهذه الكتب هي:
(1) جــــــنة الزيف (ديـــــــــوان شعــــــر).
(2) أغنـــــــية حب (ديوان أغانى وأزجال).
(3) إغتــــــيال قلب (ديوان أغانى وأزجال).
(4) المرجــــــــيحة (ديوان أغانى وأزجال).
(5) العاشق الكذاب (ديوان أغانى وأزجال). 

ـ 18ـ صدرت لهً خمسة كتب في الأسواق المصرية والعربية وقد حققت جميعها أعلي النسب في المبيعات وهذه الكتب هي:

(1) جـــنة الزيـــف (ديــــــوان شـــــــــعـر).

(2) عودة الأمـــس (مجموعة  قصــــصــية).

(3) أغنـــية حــــب (ديوان أغاني وأزجـال).

(4) زهرة من الجنة (ديوان أغاني وأزجـال).

(5) بستان العــشق (ديوان أغاني وأزجــال).

ثم قام  بنفسه بتحويل كل مؤلفاته الأدبية إلي كتبٍ إلكترونية ليتم عرضها وبيعها دائماً بالتجارة الإلكترونية للعالم كله من خلال موقعه علي الإنترنت وهو بعنوان:

 (آداب خالدة)((((www.adabkhaleda.com واستمر عرض الكتب علي الموقع لمدة سنتين ونصف ثم توقف  الموقع لأسباب تقنية ثم قامت مجموعة شركات (Amazon) و(Smashwords) الأمريكية الشهيرة بنشر وتوزيع وبيع مؤلفاته من الكتب الإلكترونية ـ باللغة العربية والإنجليزية ـ علي الإنترنت لجميع أنحاء العالم.
(19) قام بعرض عشرة كتب أدبية متنوعة من مؤلفاته (بصوته) علي 40 شريط فيديو ووضعها دائماً علي موقع يوتيوب وذلك حتى يتمكن الجمهور من مشاهدتها وقراءتها مجاناً كما قام بنشر هذه الكتب العشرة في مدوناته باللغة العربية حتى يقرأها القراء بالمجان أيضاً ثم أضاف لها خمسة مدونات أخرى تحتوى علي خمسة كتب أدبية مترجمة من اللغة العربية إلي اللغة الإنجليزية.
(20) قام بتخصيص عدد كبير من مدوناته للتصوير الفوتوغرافي الذي يقوم به وذلك حتى يقوم بعرض صور رحلاته الخارجية حول العالم فيها كما قام بتخصيص مدونة خاصة بالفنون التشكيلية وذلك حتى يعرض فيها جميع الصور والرسومات التى رسمها بنفسه لكى يـُعبر بها عن أعماله الأدبية المنشورة في مؤلفاته وقد قام بنشر هذه المدونات باللغة الإنجليزية. 
 (21) لديه دائماً جمهورعريض من عشاق فنه في كل أنحاء العالم.

*******************************

مــــؤلـــفـات الشـــــاعــــر/ جــــمــــال البـــــــيلي

(1) جـــــــنة الزيف (ديــــــــــوان شـــــــــعر).

(2)عــــــودة الأمس (مجــــــموعة قصـــصية).

(3) أغــــــــنية حب (ديوان أغاني وأزجـــــال).

(4) زهرة من الجنة ( ديوان أغــــاني وأزجال).

(5) بستان العشــق (ديوان أغــــــاني وأزجـال).

(6) جنة الحب (ديوان أغاني وأزجـال للأطفال).

(7) إغتيال قلب  (ديوان  أغـــــــــاني وأزجـال).

(8)  المرجيحة  (ديوان أغــــــــــــاني وأزجـال).

(9) العاشق الكذاب (ديوان أغــــــــاني وأزجال).

(10) كوكب السلام   (مســــــــــــــرحـيـــــــات).

(11) أزاهير المسرح (مســــــــــــــــرحيـــــات).

(12) مذبحة الضمير (مســـــرحـــــــــــــــــيات).

(13) وداعاً أيها الوفاء (مجـــــــموعة قصصــية).

(14) المدينة القاتلة  ( مجموعة قصــــــــــصــية).

(15) أكذوبة إسمها الحب (مجمـوعة قصــــصية).

(16) بسمة المستحيل   (ديــوان  شــــــــــــــــعر).

(17) لعبة السياسي الموسيقية(مجموعة قصصية).

(18) إغتيال شاعر ( رواية – الســــــيرة الذاتية ).

(19) أنفلوانزا الشعور   (مجموعة قصــــــــصية).

(20) ينابيع السقوط      (مجموعة قصــــــــصـية).

(21) كلمة السر : حرامي (مســـــــرحــــــــــيات).

(22) حديقة الحيوات (مجموعة قصـــــــــــــصية).

(23) الشخصية المثالية والطريق إلي السعادة(علم نفس إجتماعي).

(24) أشـــــــــجار الصمت (مجموعة قصـــصية).

(25) فجـــــــر الجحــــــيم (مجـــمـوعة قصصية).

(26) شــجــــرة الخيـــــانة (مجموعة قصـــصية).
(27) مواطــــن آيـــــل للسقـــوط (مـسرحيــــات).

(28) أنشـــــــودة السكـــــــون(مجموعة قصصية).

(29) جــمــهــوريـة جــهــنـــم (مجموعة قصصية). 

(30) محـــاكــــمة عصــــفــور(مجموعة قصصية).

(31) بحــيـــرة المــــهـزلــــة (مـــــســــرحــــيات).
(32) التــــقـــدم إلي الخـلــف (مجـموعة قصـصية).

(33) سيمــــفونية السقــــوط (مجـموعة قصصـية). 
(34) إبتــــسم أنت في جهـنم ! (مجموعة قصصية).
(35) عــــنــاقـــيــد النــــفـــاق (مجموعة قصصية).

رحلته مع الفنون

أولاً: رحلة الأدب: بدأت حياته الأدبية في سن 11 سنة أثناء المرحلة الإبتدائية حيث لفتت كتاباته في موضوعات الإنشاء- نظر مدرسي اللغة العربية بالمدرسة فكان يحصل دائمأ علي الدرجات النهائية وكان يجيد حفظ الشعروإلقائه إجادة تامة ثم بدأ بعد ذلك يكتب ويقلد الشعر الذي كان يدرسه في كتاب المحفوظات في المرحلة الإبتدائية ثم في المرحلة الإعدادية - في صورة خواطر شعرية بسيطة ثم درس أثناء المرحلة الثانوية في دراسة خاصة – العديد من دواوين الشعر قديمه وحديثه ثم درس علم العروض وشتي علوم اللغة العربية فكتب بعد ذلك الشعر الفصيح والموزون والعمودي ثم إتجه إلي كتابة الزجل والأغنية وتتلمذ علي يد الشاعر الكبير/ أحمد السمرة الذي تنبأ له بمستقبل كبيرفي عالم الأغنية بصفة خاصة وفي الأدب العربي بصفة عامة وكان دائماً متواجداً في المحافل والمنتديات الأدبية ثم توالت بعد ذلك كتاباته في مجال القصة القصيرة ثم المسرحية ثم الرواية وكان ذلك بالطبع بعد دراسة مستفيضة ومتعمقة للأدب العربي من جهة وللأدب العالمي من جهة أخري وعلّم نفسه بنفسه من الألف إلي الياء.

ثانياً : رحلة الموسيقي: ظهرت موهبته الموسيقية في سن التاسعة أثناء  المرحلة الإبتدائية حيث كان يجيد حفظ الإيقاعات المختلفة علي آلات الإيقاع في فرقة المدرسة ثم ترك الموسيقي لفترة طويلة وعاد لها مرةًأخري بالدراسة الجادة من خلال ثلاثة معاهد موسيقية شهيرة بالإسكندرية في عام 1991 وتلك المعاهد هي :المعهد الأوروبي للموسيقي – معهد إبراهيم عبد الله- معهد الموسيقي العربية..

وقد تعلّم من خلالها مختلف فنون العزف والتلحين علي اّلتي الأورج والبيانو ثم عاد مرة أخري لمعهد الموسيقي العربية بعد ذلك و إلتحق بقسم الأصوات لتعلم الغناء ثم إلتحق بكورال فرقة سيد درويش بقصر ثقافة الحرية سابقاً (مركز الإبداع حالياً) وشارك من خلاله في العديد من الحفلات الغنائية وعلي رأسها مهرجان سكندريات العالم والعيد القومي لمدينة الإسكندرية.

ثالثاً : رحلة الفن التشكيلي: وبدأت أثناء دراسته الجامعية بالإسكندرية حيث كان يدرس مادة الرسم الهندسي فبرع فيه وكان دائماً يحصل علي أعلي الدرجات وكان دائماً يلفت نظر أساتذته - جمال لوحات الرسم الهندسي لدرجة أنهم عند التخرج قاموا بعرض جميع لوحاته في معرض خاص بالرسم الهندسي كما حصل علي تقدير جيد جداً في مشروع التخرج وأدي ذلك إلي إهتمامه بتلك الموهبة فيما بعد فالتحق بمرسم قصر ثقافة الحرية سابقاً (مركز الإبداع حالياً) لتعلم ودراسة الفن التشكيلي وتخصص بعد ذلك في فن البورتريه والتصوير الفوتوغرافي الذي مارسه وإحترفه بالفعل وقام بالعديد من رحلات السياحة بهدف التصوير وزار خلال هذه الرحلات العديد من الدول في القارة الأوروبية والأسيوية وهذه الدول هي فرنسا وموناكو وإيطاليا والفاتيكان واليونان وماليزيا وتركيا وإندونيسيا ونيبال ولبنان وسوريا وسلطنة عمان وقبرص وجزيرة كورسيكا ـ وعاد منها بمجموعة كبيرة جداً من الصور الفوتوغرافية لهذه الدول وحالياً يقوم بإعدادها لعرضها في معرض خاص للتصوير الفوتوغرافي.

E-mail:gamalelbialy@rocketmail.com     
E-mail:gamalahmedelbialy@gmail.com   

ــــــــــــــــــــــــــــــــــــــــــــــــــــــــــــــــــــــــــــــ

**والآن عزيزى القارئ نلتقي مع ديوان (جنة الحب) وهو ديوان أغانى وأزجال للأطفال ـ من مؤلفات

الشاعر / جمال البيلي.
        جـــــنــــة الحـــــب                       

                 (1)الإهـــــــــــداء

إلي كل طفل في عيد الطفولة :

كـل عــام وإَنت حبيبي  وإنتَ أجـــــــمل أمنيـــــاتي

كل لـحظة يا حبيـــــبي  وإنتَ فرحـان يا حيـــــــاتي

عيد طفولتـَك غالي عندى هوّه أغلي يوم ف عمرى

عشت ويّاه ف حلم وردى إتولد من نوره فجــــــري

عيد طفولتك غالي عندي هوّه أغلي يوم ف عمري

                  *     *     *     *

قلبي كان عايش ف عيدَك  كل ثانية .. من وجـودّك

ده إنــتَ ليّة عمر تانـي موش ح يخلـَص فيه زماني

            لما عمرى يفوت ويجــــــري

عيد طفولتـَك غالي عندي هوّه أغلي يوم ف عمري

                  *     *     *     *
نِفسي أقيد لَك شمعـة  واهدي ليك من فرحي دمعـة

وافضل أسقيك من حنيني  حتي لو مـرت ســنـيـني

            كلها .. ف الحــــــــــب بدرى

عيد طفولتـَك غالي عندى هوّه أغلي يوم ف عمرى

      *  *  *    جـــمــــال البـــــيلي   *  *  *

ــــــــــــــــــــــــــــــــــــــــــــــــــــــــــــــــــــــــــــــ

    (2)جـــــنـة الحــــب

أجمل شئ ف حياتنا بحالها

إن الحب يعيش بقي فيها(1)

ويحلــّي الدنيا .. بجــــمالها     

وينوّر للناس ليــــــــــــــاليها

ويبدد هَم الإنســـــــــــــــان     

ويشيل من قلبه الأحـزان(2)

 ويريّح باله الحيــــــــــران     

ويعيّش روحــــــه ف أمانيها

أجمل شئ ف حياتنا بحالها      

إن الحب يعيـــــــش بقي فيها

   *  *  *  *  *  *  *  *

الحب ده أنواعه كتــــــــيـر      

أحلي ما فيهـا نحـــــــــب الله

ونحب بلادنا .. بضــــــمير     

ونحب الأهـل بمــــــــــــــعناه

ونحب كمان فــعل الخــــــير      

ونحــب حيــــــاتنا .. ويّاه(3)

ونحب العــلم وأســـــــــراره      

ونحب كمان ذاتـــنا معــاه(4)

ونحب الفـــن و أفكـــــاره      

والأخلاق نعشق معانيها 

أجمل شئ ف حياتنا بحــالها      

إن الحب يعيــــــش بقــي فيها

   *  *  *  *  *  *  *  *

أكتر حاجة .. راح تســــعدنا    

إن قلوبنا تحب الحـــــــــب(5)

وما نعملشي الشــــــر بإيدنا    

ولاّ نعيش مع بعضنا غـُرب(6)

والحب يحقق أمـــــــــــجادنا    

علشان الإخـلاص ف القلب(7)

بيعلـّمنا نحب ف بعـــــــــض    

لما يجمّع بيــــــــــنا القـُرب(8)

والخير ده..بقي يملا الأرض    

والأحلام يوم نفــــــرح بيها(9)

أجمل شئ ف حياتنا بحــالها    

إن الحب يعــــــــــيش بقي فيها

    *  *  *  *  *  *  *  *

ـــــــــــــــــــــــــــــــــــــــــــــــــــــــــــــــــــــــ    

(1) بحالها : كلها . بقي : هكذا.(2) يبدد : يزيل . يشيل : يزيح.(3) كمان : أيضاً.وياه : معه.(4)معاه: معه.

(5) أكتر حاجة : أكثر شئ . راح تسعدنا : ستسعدنا .

(6) مانعملشي : لا نفعل . غـُرب : أغراب . (7)علشان : لأن .(8) بينا : بيننا . (9) بقي : هكذا .  بيها : بها .

ـــــــــــــــــــــــــــــــــــــــــــــــــــــــــــــــــــــــــ

      (3)الضــــــمير

بابا علـّمني أحاسب نفســـــــي     

قال لي أعامل الناس بضـــمـير

واهدي بعقلي و روحي وحسّي     

أحلي معاملة عشان الغــير(1)

واتعلــّم أحــــــــــــــترم النـاس    

وأراعي ف عملـي الإخــــلاص

وأتعوّد صـدق الإحســــــــــاس     

علشان أبقي ف بلدي كبـير(2)

بابا علــّمني أحاســــــب نفسي     

قال لي أعامل الـناس بضمـــير

 *  *  *  *  *  *  *

دايماً أبويا كان بيـــــــــقول لي     

إوعي تغش ف يوم إنسـان(3)

وازرع قلبك حــــــــــب تـملــّي     

تجني وفاء ويّا الإحســــان(4)

وإياك تظلم يوم مخـــــــــــلوق    

أو تنطق ف الدنيا بســـــــــوء

تِلقي حياتك نور و شـــــــروق   

وتنول م الكل التقــــــــــــــــدير

بابا علــّمني أحاسب نفــــــسي    

قال لي أعامل النــاس بضــمير

    *  *  *  *  *  *  *  *

بابا .. قال لو كــــنت ياإبنـــــي   

شايف الدنيا..مافهاش عدل(5)

إبدأ إنتَ بنفـــسَك وابنــــــــــي   

بيت للحق ف أرض الجــــــهل

وضميرَك ح يــــخلــّيك قــــدوة   

ح تعلــّم للنـــــــاس التقوى(6)

وتحارب الظلـــم ده والقــــسوة   

وح تِلقي .. ربّك ده نصـــــــــير

بابا .. علــّمني أحاسب نفســـي  

قاللي أعامل الناس بضميــــــــر          

     *  *  *  *  *  *  *  *

ــــــــــــــــــــــــــــــــــــــــــــــــــــــــــــــــــــــــ

*معظم أغاني الديوان صاغها الشاعر علي لسان طفل .           

(1) عشان : من أجل .(2) علشان : لكي .

(3) دايماً : دائماً .أبويا : أبي .إوعي : إياك . 

(4) تملــّي : دائماً .  ويا : مع . 

(5) شايف : ترى . مافهاش : ليس فيها .  

(6) ح يخليك : سيجعلك . 

ــــــــــــــــــــــــــــــــــــــــــــــــــــــــــــــــــــــــــ

     (4)العــــلم نـــــور

من أول ما بدأت أتعــــــــلــّم     

ومافيش علم ما حبيتــهوش(1)

علشان بالقي طريقي مضلــّم     

لو فيه شئ أنا ماأعرفهوش(2)

حبيت من يومي التعــــــــليم     

وعشقت أداب ياما وعْلـــوم(3)

ودراستي بقيت فيها مِتــــقدّم     

والجهل ده شئ ماأقبلهوش(4)

من أول ما بدأت أتعـــــــلــّم     

ومافيش علم ما حبيتـــــــهوش

     *  *  *  *  *  *  *
كل ماباعرف حاجة جـــديدة      

قلبي بيصبح كله ســـــــعادة(5)

والقي دراسة العلم مفيـــــــدة     

وأحب أعرف عنه زيـــــــــــادة

وبقيت باعشق كل ثــــــــقافة     

وأشوف فيها جمال و لطافة(6)

وافضل بقي دايـــــــــماً أتندّم     

علي كل كتاب ما قريتـهوش(7)

من أول ما بدأت أتعــــــــلــّم      

ومافيش علم ما حبيتــــــــهوش

     *  *  *  *  *  *  *  *

أكتر حاجة تنمي العــــــــــقل     

هيّة قرايتي .. ويّا دراســتي(8)

والعلم ده لو كان موش سهل      

أتعوّد أحبه ف مدرســـــتــي(9)

علشان عقلي .. ده بالعــــــلم      

يكبر ف الإدراك و الفــهــم(10)

وماجيش يوم م الجهل أتظلــّم      

والعـالم ده ماأفهمــــــوش(11)

من أول مابدأت أتــــــــــعلـــّم      

ومافيش عـلم ما حبيتــــــهـوش

     *  *  *  *  *  *  *  *

ـــــــــــــــــــــــــــــــــــــــــــــــــــــــــــــــــ 

(1) مافيش : لا يوجد . ما حبيتهوش : لم أحبه .           

(2)علشان : لأني . بالقي :باجد .مِضلــّم : مظلم . ماأعرفهوش : لا أعرفه . 

(3) ياما : كثيرة . (4) بقيت : أصبحت . ماأقبلهوش :لا أقبله. (7)أفضل : أظل . بقي : هكذا . ما قريتهوش : لم أقرأه .(5)حاجة : شئ . (6) أشوف : أرى.

(8) أكتر حاجة : أكثر شئ . هية : هى . قرايتي : قرائتي . ويا : مع .

(9) موش سهل : ليس سهلاً . (10) علشان : لكى .

(11) ماجيش يوم : لا يأتي يوم . أتظلـّم : أشكو الظلم .ماأفهمهوش : لا أفهمه .

ــــــــــــــــــــــــــــــــــــــــــــــــــــــــــــــــــــــــــ

                       (5)عــــالم الجـــمال           

أنا من أسرة .. غاوية الفــــــــن    

وعيلتنا دي مليانة فـنـــــــــون(1)

كان لنا فيها أعظم شـــــــــــــأن
علشـــــان بنحــــبها بجنـــون (2)    

عندنا بابا ده أحســــــــــن شاعر   

وأخويا .. ف الرسـم ده شاطـر(3)

ومامتنا .. ف الغـُنا صوت ساحر  

واختي بتعــزف عود وقانــون(4)

أنا من أسرة .. غاويــــــــة الفن   

وعيلتنا دى مليـــــــــــــــانة فنون

      *  *  *  *  *  *  *  *

بابا علــّمني هواية جميــــــــــلة    

هيّة التمثيل وســـــــــط فريـق(5)

وإتعلمنا كتير ف العيــــــــــــــلة    

إن الفــــــــــــن ده علـم وذوق(6)

وعشقنا ف يوم كل جــــــــــمال    

وإتفــننا ف كل مجـــــــــــــــال(7)

فيه فكر وإبداع  وخيـــــــــــــال    

وصبحنا ف جنة .. عايشــــــــــين

أنا من أسرة .. غاويــــــــة الفن     

وعيلتنا دى مليانة فنـــــــــــــــون

     *  *  *  *  *  *  *  *

الفن صـــــــــبح كل حـــــــياتي   

علشـــــان هوّه غــذاء الروح(8)

وباحقق دايماً فــــــــيه ذاتـــــي   

وأعبّر عن نفـــســـــي وابوح(9)

ويشرّفنــــــــي أكون فنـــــــــان   

واعشق م الإبــــــــداع ألـــــــوان

فني ده ح يخلــّيني إنـــــــســان   

راقي و متحــــــضر و رزين(10)

أنا من أسرة .. غاوية الفـــــــن   

وعيلتنا دي مليــــــــانة فــــــنون

      *  *  *  *  *  *  *  *

ــــــــــــــــــــــــــــــــــــــــــــــــــــــــــــــــــــــ    

(1)غاوية : عاشقة .عيلتنا : أسرتنا . مليانة : ممتلئة .

(2) علشان : لأننا . (3) أخويا : أخي .

(4) مامتنا : أمنا . (5) هية : هى . (6) كتير : كثيراً .

(7) إتفننا : أبدعنا .(8) علشان هوه : لأنه .

(9) دايماً : دائماً . أبوح : أتكلم . 

(10) ح يخليني : سوف يجعلني . رزين : عاقل و متزن  .

ـــــــــــــــــــــــــــــــــــــــــــــــــــــــــــــــــــــــ

     (6)ياللا نطــــــــير

ياللا نطير مع طير بيطــــير    

ونسـابق كل العصـــــــــافير(1)

نركب ع النسمة اللي تـعدّى    

وياخدنا عبيرها ف مشـاوير(2)

وتجيبنا ويّاها وتـــــــودّي    

لعبير جاي من بــــعده عبير(3)

ياللا نطير مع طير بيــطير

    *     *     *     *

ياللا نطير و نســـافر فوق     

مع ليل بيدوب جوّه شــروق(4)

ونحلــّق سوا فوق أحلامنـا     

لما السما تصــفي .. وتروق(5)

وح نبعت لقمرنا سلامـــــنا     

مع نسمة معطرة بالشــــوق(6)

ياللا نطير مع طير بيطير

    *     *     *     *

ياللا نطير أسراب أسراب    

ورا طير بينادى الأحـــــباب(7)

ونعوم ف الهوا مع أمواجه   

من غير ولا شـــبّاك أو باب(8)

مع هُدهُد راح نلبــس تاجه   

أو كروان ح نكون له صحاب(9

ياللا نطير مع طير بيطـــير

     *     *     *     *

ياللا نطير مع كـــل نـْهـــار    

ونجيب للبلبل ده فطار10                              

وتفسّحنا حمامة فـُســــحة     

نحلف بيها باســــــــتمرار(11)

وتفرّحنا يمامة فرحــــــــة     

بالمغني أو بالأشـــــــــــــــــعار

ياللا نطير مع طير بيطــير

    *     *     *     *

ياللا نطير فوق كل مـــكان 

ونسيب ع الأرض الأشجان(12

ونعيش كل حياتنا ف رحلة 

ح نودّع فيها الأحـــــــــــــــزان

والسما تعمل لنا فوق حفلة 

يحضرها الطير و الإنــــــــسان

ياللا نطير مع طير بيطـير

    *     *     *      *

ـــــــــــــــــــــــــــــــــــــــــــــــــــــــــــــــــــــــــــ 

(1) ياللا نطير : هيا بنا نطير . (2) اللي تعدّي : التي تمر علينا . ياخدنا : يأخذنا . مشاوير : مسافات بعيدة .

(3) تجيبنا : تأتي بنا . وياها : معها . تودّي : تذهب بنا . جاى : قادم .(4) بيدوب : يذوب . جوه : داخل . 

(5) سوا : معاً . السما : السماء . (6) ح نبعت : سنرسل .

 (7) أسراب : مجموعات . ورا : وراء . (8) نعوم : نسبح . الهوا : الهواء .(9) راح نلبس : سنرتدى .

(10) نجيب : نـُحضر . فطار : إفطار .

(11) تفسّحنا : تأخذنا في رحلة . نحلف بيها : المراد نظل نتذكرها .(12)نسيب : نترك .الأشجان : الأحزان .

ـــــــــــــــــــــــــــــــــــــــــــــــــــــــــــــــــــــــــــــ

       (7)الوقت من دهب

أغلي .. شئ ف الدنيا الوقــت     

لازم أقضـّيه ف حاجة مفـيدة(1)

والقي ف يوم لنجاحي ده بخت     

وأحس إنْ حياتي ســـــــعيدة(2)

إتعودت إنـْي املا فراغــــــــي    

واشغل بقي بالفــــكر دماغي(3)

واعمل كل هوايـــــــة جديــدة

أغلي .. شئ ف الدنيــا الوقــــت     

لازم أقضـّيه ف حاجة مفــيدة

     *  *  *  *  *  *  *  *

أنا دايماً باقرا .. ف كتـــــــاب      

أو ألعب ف النادي رياضـــة(4)

والحاسب لو عنــــــــــي غاب      

أعزف بقي ع الناي بسعــــــــادة

ودراستي .. لو تبـــــــدأ أذاكر      

وابقي كمان تلميذ فيها شاطر(5)

وانجح وأجيب مجـــموع باهر      

علشان تيجي أجازتــي أسافر(6)

وأروح رحلة ف حتة بعيدة(7)

أغلي .. شئ ف الدنــــيا الوقـــت      

لازم أقضـّيه ف حاجــــة مفيدة

     *  *  *  *  *  *  *

كل دقيقة ف وقــــــتي هديـــــة    

لازم أنا أتهـــــــــــــني .. بيـها(8)

إزاى أســـــيبها تـــــعدّى عليـّا     

من غير ماأعمل حاجة .. فيـها(9)

كل مجــــال فيه ليّة هوايـــــــة   

عايش فيها أحـــــــلي حكـاية(10)

دايماً كده فيه حاجـــة ورايــــا    

باديلها .. من وقتـــــي كفايـة(11)

وصبح لي..شخصية فريدة(12

أغلي ..شئ ف الدنيا الوقــــــــــت   

لازم أقضـّيه ف حاجة مفـــيدة

      *  *  *  *  *  *  *  *

ــــــــــــــــــــــــــــــــــــــــــــــــــــــــــــــــــــــــــــــ

(1) لازم : لابد . حاجة : شئ . (2) بخت : حظ .

(3) بقي : هكذا . دماغي : المراد عقلي .(4) دايماً: دائماً.

باقرا : باقرأ . (5) كمان : أيضاً . شاطر : ماهر .

(6) أجيب : أحصل علي . باهر : مرتفع للغاية .علشان : لكى . تيجي : تأتي . 

(7) أروح : أذهب . حتة : منطقة .

(8) لازم :لابد . أتهني بيها : أستمتع بها .

(9) إزاى : كيف ؟أسيبها : أتركها . تعدّى : تمر . حاجة : شئ .

(10) لية : لي .(11) دايماً : دائماً . كده : هكذا . ورايا : المراد عليا فعلها . باديلها : أعطيها . كفاية : مايكفي من الوقت . (12) فريدة : متفردة في قيمتها .

ــــــــــــــــــــــــــــــــــــــــــــــــــــــــــــــــــــــــــــــ

        (8)جزاء الأمانة

مرة ف يوم أنا قـــــــلت لأبويا       

نِفسي يابابا تجيـب لي .. ســاعة(1)

زى ما جيبت لعاطف أخـــــويا       

ساعة جديدة .. م البيـــــــــــاعة(2)

قال لي ياإبني ماعيش دلوقــتي       

أى فلوس علشانك فاضـــــــــلة(3)

رُحت لأمي قالت لي دى سيتـّي      

ح تجيب لي .. لما أنجـــــح بدلة(4)

وف مرة أنا كنت ف مدرســتي       

بالعب مع أصــحابي ف الفـــــــصل

كات غايبة ف يومها مُدرستــي        

والفصل ده فيه خمســــين طفل(5)

بصّيت ولقيت ساعة جمـــــــيلة        

مرمية .. تحت الســــــــــــبّورة(6)

قلت أبويا فلوســــــــــــــه قليلة        

وحالتنا يادوب كده مستــــــورة(7)

والساعة اللي عاوزها لقيـــــتها        

واتحقق لي .. حلمــــي الوردى(8)

جيت وف دُرج التختة داريتهــا         

وفرحت وقلت ده يوم ســــعدى(9)

لكن عقلي ساعتها .. قال لـــــي        

لازم الساعة تروح لصاحبـها(10)

بابا .. كان بيقول لي تمــــــلــّي        

ياابني أمانتك ليها ثوابـــــــها(11)

 قمت وقفت ف وسط صــحابي       

قلت لهم ليكوا حاجة..ضاعـت(12)

وشايلها .. هنا جوّه كتابــــــــي      

مين بقي فيكوا دى منه راحت؟(13

كل الفصل ســـــــــاعتها .. دوّر      

بين كتبه وأدواته وحاجتـــــــه(14)

وف لحظة .. جالي طفل صــغيّر      

قال لي ..ضاعــــت منه ساعته(15)

قال لي .. ف الحال عن أوصافها      

قلت له ساعتك ديّة مــــــــــعايا(16)

طار م الفرحة .. لما .. شافـــــها       

قال لي ياغالي تعـــــــالي ورايا(17)

والناظر ده يبقي قريـــــــــــــــبنا      

ح احكي له .. عن ســـــاعتي وعنك

شافني الناظر قال يعجــــــــــــبنا      

ياابني أمانتك ده مافيــــش منك(18)

بكرة ح نعمل ليك هنا حفـــــــــلة      

ح نقدّم لك فيــــــــــــــــها هدية(19)

ونجيب لك ميْت طفل وطــــــــفلة      

يهدوا لك أجـــــــــــــــمل أغنية(20)

رُحت الحفلة لقيت الناظــــــــــــر    

ويّاه هديـــــــــــة وكارت ملون(21)

قال دول بقي ليك مني يا شــــاطر     

وهديته كت سـاعة تجــــــــــنن(22)

ـــــــــــــــــــــــــــــــــــــــــــــــــــــــــــــــــــــــــ             

(1) أبويا : أبي . نِفسي : اتمني . تجيب لي : تـُحضر لي .    

 (2) زى : مثل . أخويا : أخي .البياعة : البائعة . (3) ماعيش : ليس معي . دلوقتي : الآن . فلوس : مال . علشانك : لك . فاضلة : متبقية .(4) رُحت : ذهبت . سيتي : جدتى . (5) كت : كانت . 

(6) بصّيت : نظرت . مرمية : ملقاة . (7) يادوب كده :تكاد تكون.(8) اللي عاوزها : التي أريدها . 

(9) جيت : جئت . التختة : المنضدة . داريتها : أخفيتها . (10) لازم : لابد . تروح : تذهب . صاحبها : مالكها .

(11) تملي : دائماً . ليها : لها .(12) ليكوا : لكم . حاجة : شئ . (13) شايلها : وضعتها . جوه : داخل . مين بقي : مَن هكذا ؟ . فيكوا : فيكم . راحت : ضاعت .

(14) دوّر : بحث . حاجته : أشياؤه . (15) جالي : أتاني . (16) دية : تلك . معايا : معي .

(17) شافها : رأها . ورايا : خلفي . (18) شافني : رأني . مافيش منك : لا يوجد مثلك . 

(19) بكرة : غداً . ليك : لك.

(20) نجيب لك : نأتي لك . ميت : مائة .

(21) رُحت : ذهبت . وياه : معه . (22) دول : هؤلاء . ليك : لك .كت: كانت.

ـــــــــــــــــــــــــــــــــــــــــــــــــــــــــــــــــــــــــ

        (9)أمنية الطفولة

نِفسي أكون رائد فضـــــــاء      

واكتشف كل الكـواكــــــــــب(1)

عايز اشوف فوق ف السماء      

دنيا موش عايشة ف متاعب(2)

والقي كوكب فيه ســـــــعادة     

فيه لفـعل الخـــــــــــــــــير إرادة

عمره ما يحس بـْشقــــــــــاء      

والعذاب ده عـنه غايـــــــــب(3)

نِفسي اكون رائد فضــــــــاء      

واكتشــف كل الكواكـــــــــــــــب

      *  *  *  *  *  *  *

عايز أروح عالــــــــــم جديد      

إتملا .. حب وأمـــــــــــــان(4)

وابقي فيه دايماً سعــــــــــــيد     

مهما شفــــــــت مْن الزمان(5)

لما ألاقي فيه صديـــــــــــــق      

عمـــره مايبيـــــــعني .. ف يوم

واما أحس بأى ضــــــــــــيق      

يحمي قلبي م الهمـــــــــــــــــوم

والقي فيه صـــــــــدق وْوفاء      

موش بقي يعمــــــــل مقالب(6)

نِفسي اكون رائد فضـــــــــاء      

واكتـــــــــــــــشف كل الكـواكب

    *  *  *  *  *  *  *  *

عايز اشوف عالم مثـــــــالي      

تِختفي فيه الشـــــــــــــــــــرور

والقي فيه أحـــــــلام خيــالي      

جايبة لي .. فرحة وســرور(7)

ماالتقيش فوق أرضه خـوف      

ولاّ أحس بحــــــــــزني مرة(8)

ولاّ أفضل يـــوم أشــــــــوف      

الحياة ف عينـــــــــــية مُرة(9)

وابقي عايـش في صــــــفاء      

وسط ناس دايماً حـــــبايب(10)

نِفسي اكون رائـد فضــــــاء      

واكتشف كل الكواكـــــــــــــــب

      *  *  *  *  *  *  *

عايز اروح كوكب فيه خـير      

والسلام ده بْيملا أرضــــــــــــه

فيه النـْفوس عايشة بضـمير     

والقلوب تكره تعارضـــــــــــــه

والقي فيه الحـق شمـــــــس      

نورها ده مايغـــيبش عني(11)

لما يبقي العــــــــــــدل بس      

ف الحياة دايماً يصــــونـّي(12)

والضلال ده والعــــــــــداء       

مايلاقوش ف الكون ده صاحب(13

نِفسي اكون رائد فضــــــاء      

واكتشف كل الكــــــــــــــــــــواكب

      *  *  *  *  *  *  *  *

ــــــــــــــــــــــــــــــــــــــــــــــــــــــــــــــــــــــــــ

(1) نِفسي : أتمني . (2) عايز أشوف : أريد أن أرى . موش عايشة :لا تعيش . (3) غايب : غائب .

(4) أروح : أذهب . (5) دايماً : دائماً . شفت : رأيت .

(6) موش بقي يعمل مقالب : أى لا يفعل بي المكائد.

(7) جايبة لي : تحضر إليا . (8) ماالتقيش : لا أجد .

(9) أفضل : أظل . أشوف : أري . (10) دايماً : دائماً .

حبايب : أحباء . (11) مايغيبش : لا يغيب . (12) بس : فقط . يصوني : يصونني . (13) مايلاقوش : لا يجدوا .

ــــــــــــــــــــــــــــــــــــــــــــــــــــــــــــــــــــــــــ

     (10)البغبغان والحرية*

أخويا الكبير جاب لي يوم بغبغان(1)

هدية نجاحي ف كل إمتـــــــــــــــحان

وكان شكله رائع وصوته جمـــــــــيل

وله ريش ملوّن ومنــــــــــــقار طويل

وكل اما يسمع حوار حلو جنـــــبه(2)

يكرر بصوته الكلام اللي عاجــــبه(3)

صاحبته وصاحبني .. لمدة طـــــــويلة

وكنت افضل احكي معاه بـْكل حيلة(4)

واقدّم له أكلة جميلة ياكـــــــــــُلها (5)

ولما بتخلـَص أجيب له بِدالــــــــها(6)

لكنـّى ساعات كنت أشوفه حـــزين(7)

لأنه وحيد وإتحبـــس من سنــــــــــين

وأصبح تملــّي بيصـــــــعب علـــيا(8)

وحزنه يسهّر دموعــي ف عيـــــــنية

فتحت القفص يوم وسيبــته يطــير(9)

وحسيت ساعتها بفرحـــي الكبــــــــير

وأبويا ده شافني وقال لي ياإبني (10)

برافو عليك إنت فِــــكرَك عجبــــــــني

طيور الطبيـــــعة دى لازم تعـــــــــيش

حياتها .. ف حريــة مابتنتهيــش(11)

ــــــــــــــــــــــــــــــــــــــــــــــــــــــــــــــــــــــــــــ

* البغبغان : الببغاء .(1) أخويا : أخي . جاب لي : أحضر إليّ.

(2) جنبه : بجانبه . (3) اللي عاجبه : الذي يعجبه .

(4) أفضل : أظل . معاه : معه . (5) أكلة : وجبة .

 (6)  بتخلص : تنتهي . بدالها : بدلاً منها .

(7) لكني : لكنني . أشوفه : أراه . 

(8) تملــّي : دائماً .بيصعب عليا : أي تؤلمنى رؤيته هكذا .

(9) سيبته : تركته . (10) أبويا : أبي . شافني : رأني .

(11) مابتنتهيش : لا تنتهي .

ــــــــــــــــــــــــــــــــــــــــــــــــــــــــــــــــــــــــ

    (11)مااعرفش الكدب

عمرى ما كنـــــــــت ف يوم كداب     

وإتعودت أقول الحــــــــــــــــــــــق

ماافتحشي .. للـــــــــــكدب ده باب      

كل كلامي صدق ف صـــــــدق(1)

بابا وماما قالولي ف يـــــــــــــــوم      

لو تكدب ح تعـــــــــيش مذموم(2)

والكدب ده عـــــــــــمره ماح يدوم      

لو جـــــــــالك يوم قول له .. لأ(3)

عمري ما كـــــــــنت ف يوم كـداب       

 وإتـــــــــــــــــــعودت أقول الحـــق

      *  *  *  *  *  *  *  *

لو صاحبي ف يوم قال لي : إكـدب       

ع الناس مرة .. كدبة .. بيـــضا(4)

راح أقول له الرحمن راح يغـــضب       

والكداب ده أخـــــــــــرته سودا(5)

والجنة .. دى نصيــب الصـــــــادق      

والكداب ده ضـــــــــــــلالي مــنافق

علشان ما بقاش عنده مبـــــــــادئ        

قلبه ده عشق الغـــش ده عشق(6)

عمري ما كنت ف يـــوم كــــــــداب        

 وإتـــــــــــــــــــــعودت أقول الحــق

       *  *  *  *  *  *  *  * 

الإنسان الصـــــــــادق دايـــــــــــماً   

صدقه .. بيــــــنوّر له طــــريقه(7)

وما يعرفــــــــشي الغـــــش ده أبداً   

وضميره يكون هوّه صديــــــقه(8)

يلقي الناس كلــــــــها بتحـــــــــــبه   

علشان بيخــــــاف كـده من ربه(9)

ويقول الحـــــــــق ده من قلـــــــــبه   

حتي ولو شـــــــــنقوه يوم شــــــنق

عمرى ما كنت ف يـوم كـــــــــــداب   

وإتعودت أقـــــــول الحـــــــــــــــــق

       *  *  *  *  *  *  *  * ـــــــــــــــــــــــــــــــــــــــــــــــــــــــــــــــــــــــــــ

(1) ماافتحشي : لا أفتح .(2)مذموم : مكروه وملعون .  (3) لو جالك : لو أتاك .

(4)   بيضا: بيضاء والمراد كذبة خفيفة . (5)راح أقول له : سأقول له . راح يغضب : سيغضب .

(6) علشان  : لأن . مابقاش : لم يعد .

(7)دايماً : دائماً . بينوّر : ينير.(8)مايعرفشي : لا يعرف .هوه : هو .

(9) يلقي : يجد . علشان : لأنه . كده : هكذا .

ـــــــــــــــــــــــــــــــــــــــــــــــــــــــــــــــــــــــــــــــ

       (12)الهوايات الأربعة

باحب ف حياتي دى أربع حاجات(1)

وهيّة انـْي اطيـّر كتير طـــــيارات(2)

وأصطاد سمك ياما بالســـــنارات(3)

وليّة بـْكاميرتى دي أحـلي إرتبـاط(4)

وباركب كمان كل يوم دراجـــــات(5)

باحب ف حياتي دى أربع حاجــــــات

          *  *  *  *  *  *  *

ف ساعة مااطيـّر لي طـــــــيارة يـوم

بيبقي منايا تروح للنجـــــــــــــوم(6)

وبانسي مشاكلي .. وكل الهمــــــــوم

واحس بسعادة ف قلبـــــــــــــي تدوم

وأحضن أماني واعيش أمــــــــــنيات

باحب ف حياتي دى أربــــــع حاجـات

          *  *  *  *  *  *  *

ف يوم لما أصطاد سمك ده فْ مــكان

بالاقي الحياة دى صورتها جـــنان(7)

وأسرح ف بحرى الجميل ده كمان(8)

وأنجح بصبري ف كل إمتــــــــــــحان

واشوف ف الطبيعة دي أجمل صفات(9

باحب ف حياتي دي أربــــــــع حاجات

           *  *  *  *  *  *  *

باعيش لما أصـــــــوّر ف دنيا الجمال

وبالقي فْ كامــــــيرتي معاني الـجلال

وبافتح معاها لفني المـــــــــــجال(10)

وَاخـُد يوم صور فيها سحر الخيال(11

واشوف ف المناظر حيـــــاة وذكريات

باحب ف حياتي دى أربع حاجــــــــات

           *  *  *  *  *  *  *

ساعات بالقي ف البسكـليتا سعادة(12)

تخلــّي ركوبهـــــــا بلهفة ده عادة(13)

وأفضل أسوقها بمهارة وْ إجــــادة(14)

واحسّ انـْي عايش ف أجمل رياضـــــة

واقضـّي تملــّي معاها الســــاعـات(15)

باحب ف حياتي دى أربـــــــع حاجـــات

           *  *  *  *  *  *  *

ــــــــــــــــــــــــــــــــــــــــــــــــــــــــــــــــــــــــــ

(1) حاجات  :  أشياء . (2) هية : هى . كتير : كثيراً والطيارات : الطائرات الورقية .(3) ياما : كثيراً .

(4) لية : لي . (5) كمان : أيضاً. (6) تروح : تذهب .

(7) جنان : المراد : رائعة . (8) أسرح : أتأمل .

(9) أشوف : أرى .(10) معاها : معها . (11) آخد : ألتقط . (12) البسكليتا : الدراجة .(13) تخلي : تجعل . واللهفة : الشوق إليها .(14) أفضل : أظل .

(15) تملــّي : دائماً .

ـــــــــــــــــــــــــــــــــــــــــــــــــــــــــــــــــــــــــــــــ

             (13)القــــطة بســــبسة

قطتي يا بسبــسة       خـُدى مني ملبــــــــسة(1)

وإشربي حبة لبن       واحضني اخويا..حسن(2)

           واقعدى لي مهيــــــصة(3)

            قطتي يا بســـــــــــــــــبسة

                    *     *     *

بسبسة يا حنـــينة        يا حــــبيبة قلــــــبــي أنا

علشان متـــــلونة         وذكيـــــة ومخـلـصة(4)

             قطتي يا بســــــــــــــــبسة

                    *     *     *

بسبسة أنا ادلـــعك        ف سريــري أطلــّعك(5)

وأغني وأســــمّعك        نونوة أو بـَســــبـَسة(6)

              قطـــــــتي يا بــــــــسبسة

                    *     *     *    

بسبسة يا صاحبتي        لو تكــــــــــمل فرحـــتي

واخدك ف شنطــتي       لو رُحـــت المدرســة(7)

              قطــــــــتي يا بســـــــبسة

                    *     *     *

ــــــــــــــــــــــــــــــــــــــــــــــــــــــــــــــــــــــــــــــــ

(1) بسبسة : إسم القطة . والملبس : نوع من الحلوي .

(2) حبة : أي القليل . أخويا : أخي . (3) مهيصة : سعيدة . (4) علشان : لأنك .

(5)أدلعك: أدللك .أطلعك : أضعك فوقه.(6) النونوة والبـَسبـَسة : أصوات القطة . (7) أخدك : آخذكِ . شنطتي : حقيبتي . رُحت : ذهبت .

ــــــــــــــــــــــــــــــــــــــــــــــــــــــــــــــــــــــــــــ

      (14)العـــــزيــــمة

بالعزيـمة .. ح ابنـــــــي ذاتي   

والأمال تصــــــــبح حــــقـيقة

ح امسح الــخوف من حيـــاتي   

والعمل أحســـــــن طريــقة(1)

بالعزيــــــــمة .. ح ابــني ذاتي

       *     *     *     *

ح ازرع الأحـــلام ف بــكـــــرة   

والأمل راح يبـقي فـــجـري(2)

موش ح اسيــب للدمع ذكـــرى   

ترسم الأحزان ف عــمــرى(3)

بالعزيـــــــــمة .. ح ابــني ذاتي

       *     *     *     *

لازم اوصـــل للأمــــــــــــــــاني    

واملا ليل الكــون بنــــورها(4)

والفرح ييــجي ف ثوانـــــــــــي    

بالأمل يحضــــــن زهــورها(5)

بالعــــــــــزيمة .. ح ابني ذاتــي

        *     *     *     *

بالإرادة .. أمحــــــــــــي يأســي    

ده الأمل ما يموتشـــي عمره(6)

موش ح اقول كان يوم ف نِفسي    

ح امشي ف المــشوار لأخره(7)

بالعزيمـــــــــــــة .. ح ابني ذاتي

         *     *     *     *

ــــــــــــــــــــــــــــــــــــــــــــــــــــــــــــــــــــــــــــ   

(1) ح امسح : سأمحو . (2) بكرة : الغد . راح يبقي : سيكون .(3) موش ح اسيب : لن أترك .(4) لازم : يجب ولابد . (5) ييجي : يأتي . (6) مايموتشي : لا يموت .

(7) موش ح اقول : لن أقول . نِفسي : منايا . والمشوار : الطريق الطويل .

ــــــــــــــــــــــــــــــــــــــــــــــــــــــــــــــــــــــــــــ
      (15)وفــــاء كــــلب

بابا كان عنده كـــــــــــلب كبير    

كان عايش فوق سطح البيـــــــــت

كان بيجيب له .. أكل كتــــــــير   

ويسيبهوله جنب الحيــــــــــــط(1)

وف يوم أكله .. ده ما بيخلــَص    

بتقدّم له العــــــــــــضم جارتنـا(2)

والكــــلب ده كان طيّب مُخلِص    

وبيحرس أســــــــــــــــرتنا و بيتنا

مرة .. كنا ف عز اللــــــــــــيل    

نايمين كلنا جوّه الشـــــــــــــقة(3)

طلع الســــــــطح حرامي طويل   

زق البــــــــــــــاب من بره زقه(4)

شافه الكلــــــــــب ده هوهو ياما   

بعدها هاجمه وعضـُه ف رِجلـُه(5)

وكمان ساب له ف إيده عـــلامة   

خلاّه يــــــــطلــّع بقي فيه غِلــّه(6)

راح اللـــــــــص جايبه له شومة   

ضربه..بيها قوام فوق راسه7
صاب الكلب إصـــــــــــابة إليمة   

وإتعوّر علشان إخــــــــــــلاصه(8)

لكن الكــــــــــــــلب ده نط قوام       

و بسرعة .. عضـُه .. ف دراعه(9)

صرخ اللـــــــــــــص من الآلام      

واشتكي من جرحه وْ أوجـــــــــــاعه

بابا .. صحا من كتر الدوشـــــة     

بص و شـــــــاف اللص ومسْكه(10)

وقفشناه بقي أحسن قفشـــــــــــة      

وربطـــــــــــناه وماحدّش فكــّه (11)

بابا.. بعدها راح القســــــــــــــم      

واللص قوام دخل السجـــــــــــن(12)

والكلب إتملا وشــــــــــــه .. دم      

وإتجرّح بقي فوق الجــــــــــــفن(13)

لكن ماما عالـْجته ف الحــــــــال     

وعرضناه علي دكـتور بيـــــــــــطري

خد ويّاه شــــــــــــهروْ بقي عال      

وما غابشي .. بعدها عن نـظـرى(14)

وف يوم بابا .. جاب له عروسه :    

كلبة جميلة ولونها جـــــــــــــنان(15)

كات دلوعة كده وْ خنفـــــــــوسة     

والكلب ده كان بيـــــــــها فرحـان(16)

دى كات أحـــــــلي هدية تجي له     

علــشان إخلاصـــــــــه .. وولاؤه(17)

واحنا فضلِنا نشيل له جميــــــلــُه     

ونـــــــــــــــقدّر فيه كل وفـــــاؤه(18)

ــــــــــــــــــــــــــــــــــــــــــــــــــــــــــــــــــــــــــــــ
 (1) بيجيب له : يـُحضر له . يسيبهوله : يتركه له . جنب : بجوار.والحيط : الحائط .

      (2) يخلص : ينتهي . والعضم : العظم . (3)عز الليل : جوف الليل .نايمين : نائمين.جوه : داخل.

      (4) حرامي : لص . زق : دفع . من بره : من الخارج . زقة : دفعة . (5) شافه : رأه .هوهو : نبح بصوته. ياما : كثيراً . (6) كمان : أيضاً . ساب : ترك . خلاه : جعله . بقي : هكذا . غِله : غيظه .

(7) شومة : عصا . قوام : بسرعة . (8) إتعوّر : جُرح . علشان : من أجل .(9) نط : قفز . دراعه : ذراعه .

(10) صحا : استيقظ . من كتر : من كثرة . الدوشة : الضوضاء. بص : نظر . شاف : رأى . مسكوه : أمسك به . (11) قفشناه : ضبطناه . بقي : هكذا . قفشة : ضبط .ماحدش : لا أحد . فكه : أطلق سراحه . (12) راح القسم : ذهب للشرطة . (13) وشه : وجهه .(14) خد : أخذ. وياه : معه . بقي عال : تماثل للشفاء . ماغابشي : لم يغب . (15) جاب له : أحضر له . جنان : المراد : رائع . (16) كات : كانت . دلوعة : مدللة . كده : هكذا . خنفوسة : مثل الخنفساء . بيها : بها . (17) تجي له : تأتي له .علشان : من أجل . (18) إحنا : نحن . فضلنا : ظللنا . نشيل : نحمل . جميله : معروفه .

ـــــــــــــــــــــــــــــــــــــــــــــــــــــــــــــــــــــــــــــ

       (16)الرأى والمشورة

أبويا ده قال لي عيلتنا بتبنــــــــــــــــــي        

حياتها بـْمشورة .. وديمــوقراطية(1)

خلافنا ف أراءنا تملــّي ياإبنــــــــــــــــي        

مايفسدش للود ده يوم قضـــية(2)

ولازم أناقشه بعلم وْبحـــــــــــــــــــــكمة        

ورأيي .. يكون له معــــاني سوية(3)

وعمرى ماأجرح ف غــــــــــيري بكلمة        

ساعة لما أسمع نصيــحته دي ليّة(4)

وماافضلشي أخاصمه عشان هوّه ضـدى        

ده يمكن يكون عنده فكرة ذكيـــــة(5)

أنول بيها غايتي واشوف فيها ســــــعدى       

ويصبح خدمني .. وحــقق لي غِيّة(6)

عشان كل ده مستحيل أبقي ظـــــــــــــالم       

وأفرض ف رأيي شـــــــوية شوية(7)

وكــل الأراء الصحــــــــــــــيحة دى لازم       

أمشـّيها واعملها يامــــــــــا بإيدية(8)

وأفضل أفكـّر ف كــل النواحـــــــــــــــــي       

ساعة ماالقي شئ فيه صعوبة عليّا(9)

عشان ألقي ف الدنيا ديّة نجاحـــــــــــــي       

وتصبح حياتي دى دايمـــــاً هـنية(10)

ـــــــــــــــــــــــــــــــــــــــــــــــــــــــــــــــــــــــــــــ
 (1) أبويا : أبي . عيلتنا : أسرتنا .ديموقراطية : المراد : الحوار و النقاش . (2) تملـّي : دائماً . مايفسدش : لا يفسد . (3) لازم : لابد . سوية : المراد : منطقية .

(4) لية : لي .(5) ماافضلشي : لا أظل . عشان : لأنه . هوه : هو . (6) أشوف : أرى . غية : غاية وهدف .

(7) شوية شوية : شيئاً فشيئاً . (8) أمشـّيها : أنفذها . ياما : كثيراً . (9) أفضل : أظل . (10) دية : هذه . دايماً : دائماً . هنية : سعيدة .

ـــــــــــــــــــــــــــــــــــــــــــــــــــــــــــــــــــــــــــــ

      (17)الدروس الخصوصية

باذاكـــر تملــّي بهِمة دروســـــــــــــــــي     

وعمرى ماأطلب مدرس خصوصي(1)

ولو مرة ح الــقي صعـــــــــوبة ف مـادة     

أخلــّي مُدرستي تشــــرح لي فيها(2)

ولما .. نقاشـنا مايبــــــــــــقاش له فايدة    

أروح يوم لأهلي وأســــــأل عليها(3)

واجيب لي كتاب تاني فيه مـــيزة زايـــدة     

وشرحه أكــيد راح يفهّمنـــــي ليها(4)

عشان ماالتقيش ف الدراسة كابوسي(5)

باذاكر تملــّي بهمة دروســـــــــــــــــي     

وعمري ماأطــــلب مدرس خصوصــــــي

         *  *  *  *  *  *  *  *

ف يوم لما آخد ف مــــــــادة دي درس    

ح يبقي إعتمادى علي حــد غيــــــري(6)

وح القي يوماتي فْ دراستي دى نقص   

وح افضل مِقصّر معاها فْ ضــمـيري(7)

لأن المدرس ح اجيـــــــبه يقــــول لي    

حاجات ييجي فيها إمتــــــحانـّا تملــّي(8)

واذاكر بسرعة الحـــــاجات ديّة بس    

وغشي ده يصــبح منايا الرئيســـــــي(9)

باذاكر تملــّي بهمة دروســــــــــــــي    

وعمري ما أطلب مدرس خــــصوصـــــي

          *  *  *  *  *  *  *  *

دراستي بدرسي الخصوصي ح تفشل      

ومَدرستي موش راح يكون ليها قيمة(10)

وعقلي فْ مواد الدراسة ح يعــــــطل      

وح ادخل معاها تملــّي فْ خصـومــة(11)

وح ابقي باذاكر عشان بس أنجـــــــح      

وعمري ماح القي المذاكرة دي وافرح(12

وبابا .. يضيّع ف ماله .. و يزعــــــل     

وابويا .. فلوسه دي برضــــه فلوسي(13)

باذاكر تملــّي بهمة دروســـــــــــــــي      

وعمرى ماأطلــــب مُدرس خصــــــــوصي

          *  *  *  *  *  *  *  *

ــــــــــــــــــــــــــــــــــــــــــــــــــــــــــــــــــــــــــــ        

(1) أذاكر دروسي : أستذكر دروسي . تملــّي : دائماً . بهمة : بنشاط وعزم . (2) أخلــّي : أجعل .

(3) مايبقاش له فايدة : يصبح لا جدوى منه . أروح : أذهب . (4) أجيب : أحضر . تاني : آخر . راح يفهمني : سيفهمنى .ليها : لها . (5) عشان : لكي . ماالتقيش : لا أجد . كابوسي : حلمي المزعج . (6) حد : أحد .

 (7) يوماتي : يومياً . ح افضل : سأظل . معاها : معها .(8) حاجات : موضوعات . ييجي : يأتي . إمتحانـّا : إمتحاننا . تملــّي : دائماً . (9) ديّة بس : هذه فقط .

(10) موش راح يكون : لن يكون .ليها : لها .(11)ح يعطل : سيتعطل .تملــّي : دائماً . (12) عشان : لكي  . بس : فقط .(13) يزعل : يغضب و يحزن . أبويا : أبي . فلوسه : أمواله . برضه : أيضاً  .

ــــــــــــــــــــــــــــــــــــــــــــــــــــــــــــــــــــــــــــ

            (18) بطــتى المــتدلعة

بطتي ياصغيــــــّرة      خـُدى حتة سُكـــــــرة(1)

وإلعبي .. ف لعبتي      وإدخلي .. ف شنطتي(2)

            وكــُلي حــــــــــبّة دُرا(3)

بطتي يا صغــــيـّرة      خـُدى حتة سُــــــــــــكرة

             *   *   *   *   *   *

بطتي يامزأطــــطة       لوتِبقي ف عفــــــرتة(4)

ولاّ متشعـــــــــبطة      أسأل يا مقطقـــــــطة (5)

            جرى لك إيه يا ترى ؟(6)

بطتي يا صغيــــّرة       خـُدى حتـــــــــــة سُــكرة

             *   *   *   *   *   *

بطتي يا مــريــّشة       لو اجيب لك مشــمشة(7)

مع لقمة مْقرمشـة       راح تِبقي مفرفشــــــة(8)

            وح تاكلــي الكـُسبـــرة(9)

بطـــتي يا صغيّرة        خـُدي حـــتة سُكـــــــــــرة

              *   *   *   *   *   *

بطـــتي .. أدلـّـعك        لو فيه شـئ يوجعِك(10)

وبأكـــلي أمتـــّعك        ده أنا برضـُه أنفـعـِك(11)

             لو حتي إيه جـرى ..(12)

بطتي يا صـغـيّرة        خـُدى حــــتة سُكـــــــــــرة

             *   *   *   *   *   *

ــــــــــــــــــــــــــــــــــــــــــــــــــــــــــــــــــــــــــــ                      

*  المتدلعة : المدللة .(1) خدي : خذي . حتة سكرة : قطعة من السكر. (2)شنطتي : حقيبتي.(3)حبة درا : قليلاً من الذرة .(4)مزأططة : مسرورة . ف عفرتة : أي تكوني مشاغبة .(5) متشعبطة : أي متسلقة أي شئ . مقطقطة : أي مثل القطة . (6) جرى لك إيه ياترى : ماذا حدث لكِ ؟ .(7) مريشة : لها ريش . أجيب  لك : أقدم لك . (8) لقمة مقرمشة : قطعة من الخبز . راح تِبقي مفرفشة : سوف تكوني مسرورة .

(9) الكسبرة : إسم نبات . (10) أدلعك : أدللك .

(11) برضه : أيضاً . (12) لو حتي إيه جرى : أي مهما تكون الظروف .

ــــــــــــــــــــــــــــــــــــــــــــــــــــــــــــــــــــــــــــ

     (19)مـــــامــــا جـــــت*

ماما رجعت تاني البيـــــــــت      

بعد ماغابت عني يوميــــــــــن(1)

جت وقالت لي واحشنى موت     

خش ف حُضنــي يا نور العيـن(2)

أنا جايبة لك بقي عصــــــفور     

ومعاه لعـــــــــــــــبة تنوّر نـور(3)

 وكمان قطر كبير بـــــــــيدور     

وعروسة و شنطة وكورتيـــــن(4)

ماما رجعت تاني البــيـــــــــت     

بعد ما غابت عني يوميــــــــــــــــن

       *  *  *  *  *  *  *  *

قلت لـها أنا كنــــــــــت باعيّط     

طول ماانا شايفِك موش موجودة(5

واختى أميرة كــــــــت بتخبّط     

وتصرّخ دايماً ف الأوضـــــــــة(6)

وأبويا .. يجرى يســـــــــكتـّها     

ويقول ماما دي راجــــعة لبيتها(7)

بكرة تجيلكوا بشوق وحنين(8)

ماما رجــــــــــــعت تاني البيــــــــت       

بعد ما غابت عنه يوميـــــــــــن

     *  *  *  *  *  *  *  *

ماما قالت لي أنا كنت مســـافرة  

علشان تـــيتة كات عيــــــــــانة(9)

والتليفون ده .. كان ع السُفرة   

قلت لها العِدّة .. عــــــطــــلانة(10)

ضحكت قالــــت خـُد هـــــداياك   

وإلعب ف الطـُرقة اللي هنـــاك(11)

واوعي تكون ياحبيبي حزين(12

مـــــــاما رجعــــــت تاني البيـــــــت    

بعد ما غـــــــــابت عني يومين

     *  *  *  *  *  *  *  *

ـــــــــــــــــــــــــــــــــــــــــــــــــــــــــــــــــــــــــــ

* جت : جاءت(1)تاني : مرة أخرى(2)واحشني موت : أي إشتقت إليك كثيراً .خش : أدخل.(3)جايبة لك : أحضرت لك . بقي : هكذا . معاه : معه . تنوّر: تنير .

(4) كمان : أيضاً . قطر : قطار . (5) باعيّط : أبكي . شايفك : أراك . موش موجودة : غير موجودة .

(6) كت : كانت . بتخبّط : أي كانت تـُحدث ضوضاء . دايماً : دائماً . الأوضة : الغرفة .(7) أخويا : أخى . (8) بكرة : غداً . نجيلكوا : تأتيكم .(9) علشان : لأن . تيتة : جدتي . كات : كانت . عيانة : مريضة .(10) السُفرة : منضدة الطعام . العِدّة : آلة التليفون . عطلانة : مُعطلة.

(11) خـُد : خـُذ . اللي : التي . (12) إوعي : إياك .

ــــــــــــــــــــــــــــــــــــــــــــــــــــــــــــــــــــــــــــــ

      (20)التوفـــــير والتــــبذير

صـُحابي قالولي أوفـّر فلوســـــــــــــــي       

واشيل جزء منها تملــّي ف بـــــــنك(1)

وأفضل أحوّش ف مالي الخصـــــوصي      

وأعمل حساب يوم يكون حالي ضنك(2)

ولو كنت ح اصرف مااضيعــــشي ياما       

واطلّع زكاة تفيدني يوم القيـــــــــامة(3)

عشان ألقي يومها ختامها ده مِسك(4)

صـُحابي قالولـي أوفـّر فلوســــــــــــــــي      

واشيل جـــزء منها تملــّي ف بنــــــــك

          *  *  *  *  *  *  *  *

ف يوم لما احوّش مااجيش برضه أبـخل       

واحرّم عليا حاجات نِفـــــــسي فيها(5)

لابد انــْى أصرف ده ح يكون لي أفضـــل       

واجيب بس حاجتي اللي باحتاج إليها(6)

وأدفع شوية واوَفــّر شــــــــــــــــــــوية       

واعيش باعتدال للسنـــــين اللي جاية(7)

وإلا ح تصبح حــــــياتي دي عـــــك(8)

صـُحـــابي قالولي أوفـّر فلوســـــــــــــــي       

واشيل جزء منها تملــّي ف بنــــــــــــك

           *  *  *  *  *  *  *  *
فلوسي وســــــــــيلة لأهــداف كـــــــتيرة    

ولازم أحوّش وأعرف قيــــــــــمتها(9)

دي دايماً بتلعـــــب لي أدوار خطــــــــيرة   

وياما أماني بمـــــــالي اشـــْتريتها(10)

لكنــّي مااخلــّيش فلوســـــي دي غـــــاية   

وأعبــــــدها لما .. بتبــقي مـــعايا(11)

وإلا ح اكــــون ويّا ربــــي ف شِرك(12)

صــُحابـــــــــي قالولي أوفــّر فلوســــي   

واشـــــيل جــــزء منها تـملــّي ف بـــــنك 

          *  *  *  *  *  *  *  *

ــــــــــــــــــــــــــــــــــــــــــــــــــــــــــــــــــــــــــ

(1) فلوسي : أموالي . أشيل : أضع . تملــّي : دائماً .

(2) أفضل : أظل . أحوش : أوفر . ضنك : كرب .

(3) مااضيعشي : لا أضيع مالي . ياما : الكثير . أطلـّع : أنفق . (4) عشان : لكي . ختامها مسك : أي أحسن  نهاية . (5) مااجيش  برضه أبخل : أي لا أبخل أيضاً . نِفسي فيها : أى أتمناها . (6) أجيب : أحضر. بس : فقط .اللي : التي .(7) شوية : القليل . اللي جاية : القادمة . (8) عك : المراد : فاشلة .

(9) لازم : لابد . (10) دايماً : دائماً . ياما : كثيراً .

(11) لكني : لكنني . مااخلــّيش : لا أجعل . معايا : معي .(12) ويّا : مع . والشرك : الإشراك بالله .

ـــــــــــــــــــــــــــــــــــــــــــــــــــــــــــــــــــــــــــ

              (21)أكــــلــــة فـــــراخ

بابا ف يوم جاب لي فرخة وديك ملوّن جميل(1)

كان له ف بيتنا ده صرخة مـالهاش تملّي مثيل2

والفرخة كان ليها بيــــض يوماتي ترقد عليه(3)  

طلــّع ف يوم كان ســـعيد كتكوت فرحت أنا بيه4

             كان ريشه أصفر نحيل(5)

بابا ف يوم جاب لي فرخة وديـك ملوّن جمــــــيل

                *  *  *  *  *  *  *

كتكوتنا أصبح كـــــبير  قرّب يكـــون قد أبوه(6)

عشان بياكل كتـــــــــير واحـــــنا بقي بْنعلفوه(7)

كان هوّه عندى حبيـب  باشوفه مــني قــَريب(8)

وافضل بإيدى ألأعـــبه واكره تملــّي .. يغـيب(9)

واقعد ساعات كده جنبه واخاف عليه م الرحيل10

بابا ف يوم جاب لي فرخة وديك ملوّن جمــــــــيل

                *  *  *  *  *  *  *

بابا عمل يوم عزومة  كات عايزة لحمة وسلاطــة

وكت عزومته كريـمة  فيها فراخنا التلاتـــــــــة!!

شافنى زعلت لـْرحيلها لما دبحـــها وقــتلها(12)

قال لي الفراخ دى باجيبهاعشـان تملّي..ناكـُلها13

إزاى ح تيجى تـْصاحبهايابْني كده علي طول؟!14

بابا ف يوم جاب لي فرخة وديك ملوّن جمـــــــــيل 

                  *  *  *  *  *  *  *

ـــــــــــــــــــــــــــــــــــــــــــــــــــــــــــــــــــــــــــ

* أكلة : وجبة . (1) جاب لي : إشترى لي . (2) صرخة : صيحة . مالهاش : ليس لها . تملـّي : دائماً .

(3) ليها : لها . يوماتي : يومياً . (4) طلـّع : فقس وأخرج . بيه : به . (5) نحيل : منحول . (6) قد : في حجم .(7) عشان : لأنه . إحنا : نحن . بقي : هكذا . بنعلفوه : نقدم له العلف . (8) هوه : هو . باشوفه : أراه .(9) أفضل : أظل . (10) كده : هكذا . جنبه : بجواره . والرحيل : الموت .(11) عزومة : مأدبة طعام . كات : كانت .عايزة : تحتاج  . لحمة : لحم .(12) شافني : رأني . زعلت : حزنت و غضبت . دبحها : ذبحها .(13) باجيبها : أشتريها . عشان : لكي . تملي : دائماً .

(14) إزاى : كيف ؟ ح تيجي تصاحبها : أي تتخذها صديق أو صاحب . كده : هكذا .علي طول : دائماً.

ــــــــــــــــــــــــــــــــــــــــــــــــــــــــــــــــــــــــــــ

       (22)لعنة الحسد

عمري ما باحسد يوم إنســـــان     

علشان هوّه أحســـــــــــــن مني(1)

أنا عارف برضه انــْي كمـــــان     

عندى حاجات حلوة تطــــــمنـّي(2)

لو كان فيّة شئ بقي ناقــــــص     

مااحسدش الناس وافضـل يائس(3)

ده أنا أتطوّر ياما عشــــــــــان     

أبقي الأفضل وارفــع شــــــــأني(4)

عمرى ما باحسد يوم إنســـــان    

علشان هوّه أحـــــــــــــــــــسن منى

        *  *  *  *  *  *  *

ربنا واهب كل الـــــــــــــنــاس      

قدرات ف الدنيا .. ومـواهـــــــــــب

ومافيش واحـد عاش وخلاص      

من غير ما ينول م الخيــر نايب(5)

لكن الخير ده فيه أنــــــــــواع      

ويجي لي بفــــــــــــــكر وإبداع(6)

لو أنا ف دراستي .. تعـــــبان      

ومااشوفهوش لو حقدى شغلني(7)

عمرى ما باحسد يوم إنــــسان     

علشان هوّه أحـــــــــــــــــسن مني

         *  *  *  *  *  *  *

إزاي أقدر أكـــــون ممــــــــتاز   

وانجح واملا حــياتي سعـــــادة(8)

واحسد بقي غــــيري واتـــغاظ   

علشان عنده مـــــــيزة زيـادة؟(9)

ده انا ممكن أكون أحســن منه   

ف مجال تاني غاب هوّه عنه(10)

والقي لي وسط الفرح مكــان   

واحقق يوم كل تمــــــــــــــــــنـي

عمرى ما باحسد يوم إنســـان   

علشان هوّه أحســــــــــــــن منى

       *  *  *  *  *  *  *

ـــــــــــــــــــــــــــــــــــــــــــــــــــــــــــــــــــــــــ

(1) علشان : لأنه . هوه : هو . (2) برضه : أيضاً . كمان : أيضاً . حاجات : صفات . تطمنـّي : تطمئنني .

(3) فية : عندى . بقي : هكذا . مااحسدش : لا أحسد . أفضل : أظل .(4) ياما : كثيراً . عشان : لكى .

(5) مافيش واحد : لا يوجد أحد . وخلاص : فقط . نايب : نصيب . (6) يجي لي : يأتينى . (7) تعبان : المراد مجتهد . مااشوفهوش : لا أراه .

(8) إزاى : كيف ؟ (9) بقي : هكذا . أتغاظ : أي يملأني الغيظ .(10) تاني : آخر . هوّه : هو .

ــــــــــــــــــــــــــــــــــــــــــــــــــــــــــــــــــــــــــــ

      (23)معرض الزهور

 بابا .. مرة أخدنى معـــــــــــاه      

ف جنينة .. مليـانة زهـور(1)

كان فيها معرض موش بانساه      

للأزهار خلاّني مبــــــهـور(2)

كانت الدنيا ساعتها ربيـــــــــع     

والورد ده كان شـــــــكله بديع

والجو نســـــيم كله عـــــبــــير

بابا .. مرة أخـدني مـــــــــــعاه      

ف جنينة .. مليــــــــانة زهور

     *  *  *  *  *  *  *

من كتر حلاوة البستــــــــــــان      

بان تأثيره .. كـــــــله علـيا(3)

وصبحت ف يوم كده فــــــنــان       

وبدأت أرسم كل شــــــويـة(4)

وإتعلمــت من الأزهــــــــــــــار      

إزاي أرسـم ليل ونهـــــــار(5)

علشان أسعد يوم الغــــــير(6)

بابا .. مرة أخدني مــــــــــــعاه      

ف جنينة .. مليــــــــانة زهـور

     *  *  *  *  *  *  *

ياما الورد ده فيـــــــه إبـــــداع    

علمني الإحســـاس والذوق(7)

ياما لقيت أنا فيـــــــه أنــــــواع    

تمحي ف لحظة مشاعرالضيق(8

والوردة .. دي رمز الحـــــــــب    

وبتسكن دايماً ف القلــــــــب(9)

وبتأمــــــرنى بفعـــــل الخــــــير

بابا .. مرة أخـــــــــدني معــــــاه    

ف جنينة .. مليـــــــــــانة زهور

         *  *  *  *  *  *

ــــــــــــــــــــــــــــــــــــــــــــــــــــــــــــــــــــــــ

* معظم أغاني هذا الكتاب صاغها الشاعر علي لسان الطفل .(1)معاه : معه.جنينة : حديقة . مليانة : ممتلئة

    (2) موش بانساه : لا أنساه . خلاني : جعلنى . مبهور : منبهر . (3) من كتر : من شدة . بان : ظهر .

(4) كده : هكذا . كل شوية : كل وقت . (5) إزاي : كيف . (6) علشان : لكي .(7) ياما : كثير .(8) لقيت : وجدت . (9) دايماً : دائماً .

ـــــــــــــــــــــــــــــــــــــــــــــــــــــــــــــــــــــــــــ

      (24)روعة الرياضة

علمني أخويا ف يوم عادة       

هيّة ممارسة أى رياضـــــــــــة(1)

ودخلنا ف أكتر من لعــــبة       

كات سهلة علينا وموش صعبة(2)

ولعبنا .. مع أجمل صُحـبة      

بمهارة وإبداع وإجـــــــــــــــــــادة

علمني أخويا ف يوم عادة       

هيّة ممارسة أى رياضـــــــــــــــــة

     *  *  *  *  *  *  *

من يوم ماعشقنا الألـــعاب        

وإحنا بقينا ف صـــــــحة وقوة(3)

والعيا ده بقي عنــــــا غاب      

ولقينا حياتنا بقت حــــــــــــلوة(4)

وبرعنا ف مهارات الملعب       

وماكناش ف الماتش بنتــــــعب(5)

وصبح لينا ف الفن مواهب       

وبقي لـْنا .. أصــحاب وحبايــب(6)

كانوا بيسقفوا كل مانلـــعب       

علشان يحلا اللـــــــــعب زيادة(7)

علمني أخويا ف يـوم عادة        

هيّة ممارسة أى رياضــــــــــــــــة

       *  *  *  *  *  *  *  *

من كتر ماحـبينا نادينـــــــا     

لعبنا بقي كــــــله .. إخـــلاص(8)

ومدربنا ده ياما قال ليــــنا     

لازم تاخدوا مـــــعايا الكـــاس(9)

وتعبنا كتير ف التدريــــب     

وماكناش عـــنه .. بنغـــــيب(10)

وف كل طريق للبطــولات     

شـُفنا هزايم وإنتـــصــــارات(11)

وف يوم أصبح لينا نصيب     

وأخدنا الكاس ده .. بســعادة(12)

علمني أخويا ف يــوم عادة     

هيّة ممارســــــة أى ريــــــــاضـة

    *  *  *  *  *  *  *  *

ــــــــــــــــــــــــــــــــــــــــــــــــــــــــــــــــــــــــ

(1) أخويا : أخي . هية : هى . (2) كات : كانت . موش صعبة : ليست صعبة . (3) إحنا : نحن .

(4)  العيا : المرض . بقي : هكذا . لقينا : وجدنا . بقت : أصبحت.(5) ماكناش : لم نكن .والماتش : المباراة .

(6) لينا : لنا . حبايب : أحباء .(7) بيسقفوا: يصفقوا . علشان : لكي . يحلا : يحلو . زيادة : أكثر .

(8) من كتر : من كثرة . بقي : أصبح . (9) ياما : كثيراً . لينا : لنا .لازم : لابد . تاخدوا : تحصلوا. معايا : معي(10) ماكناش : لم نكن .

(11) شفنا : رأينا . هزايم : هزائم . (12) لينا : لنا .

ـــــــــــــــــــــــــــــــــــــــــــــــــــــــــــــــــــــــــ

       (25)الكتـــكوت كــــوتى*

كُتكت كوتي يا كُتكـــــت كــــــــــوتي     

إنت حبيب قلبي يا كتكوتي(1)

تعالي لي ولا تخــــــــــاف م الخضـّة     

وح اسيبك دايماً ف الرضة(2

علشان تكــــبر يا صــــــــغنتوتي(3)

كتكت كوتي يا كتـــكت كوتي

       *    *    *    *    *

كتكوتي .. أنا نِفسي تعيــــش    

وأشوفك يطــــــلع لك ريـــــــــش(4)

واحلم دايماً ماتسيبــــــــنيش   

وتجي لي .. لو تسمـع صـــــوتي(5)

كتكت كوتي ياكتــــــكت كوتى

       *    *    *    *    *

كتكوتي .. من كتر جمـــــــالك      

لبّستك عُقد بيحـــــــــــــــــــــلالك(6)

وباسيبك تعمل مابَدالـــــــــــــك      

ف العِشة اللي ف أوضتي ياتوتى(7)

كتكت كوتى يا كتكـــــــت كوتي

     *    *    *    *    *

كتكوتي .. ياصديقي المخـــلص    

الغالي عشـــــــــــــانك ده بيرخص(8)

لو أكلك ده ف يوم راح يخلـَص    

أهديك أجـــــــــــــــمل أكل ف بيتي(9)

كتكت كوتي يا كـــــــتكت كوتي

       *    *    *    *    *

ـــــــــــــــــــــــــــــــــــــــــــــــــــــــــــــــــــــــــــ

* كوتي : إسم الكتكوت . (1) كتكت : تدليل للكتكوت .

(2) تعالي لي : تعال إليا. ولا تخاف م الخضة : أى لا تخاف منى . ح اسيبك : سأتركك . دايماً : دائماً . والرضة : طعامه .(3) علشان : لكي . يا صغنتوتي : يا صغيري . (4) نِفسي : أتمني . أشوفك : أراك .

(5) ماتسيبنيش : لا تتركني . تجي لي : تأتي  إليا .

(6) من كتر : من شدة . لبستك : ألبستك . بيحلالك : أي يحلو لك .(7) باسيبك : أتركك . تعمل مابَدالك : أى تفعل ما تريد . والعشة : العُش .اللي : التي . أوضتي : غرفتي . توتي : تدليل  للكتكوت . (8) عشانك : لك .

(9) أكلك : طعامك . راح يخلَص : ينتهي .

ـــــــــــــــــــــــــــــــــــــــــــــــــــــــــــــــــــــــــــ

     (26)رحلة ف العالم

نِفسي اكون بحار ف مـركب     

كل يوم أبقي ف مدينـــــــة(1)

ده السفر فيه ألف مكســــــب     

والحياة تحلا ف سفينــــــــــــة

عايز ألِف بْلاد أوروبــــــــــا    

ولاّ اروح أمريكــــــــا مـرة(2)

بالقي ف الترحال ده رغــــبة    

لو ح اخد ع الكون ده فكرة(3)

موش ح اخـاف من أى غربة    

لو ح ازور لي ألف ميـــــنا(4)

نِفسي اكون بحار ف مركــب    

كل يوم أبقي ف مدينـــــــــــــة

   *  *  *  *  *  *  *  *

عايز اروح مرة اسْـتراليــــــا    

والبلاد الأسيــــــــــــــــــــــوية

ولاّ اشوف روعة إيـــــــطاليا    

والحــــــــــــيــــاة الأفريقية(5)

وانشغل يوم بالحــــــــــضارة    

لما اعيش وســــــــــط الشعوب

وابتدى بفن العـــــــــــــــمارة    

م الشـَمال ده .. للجـــــنـوب(6)

ده العالم فيه ميْت مـــــــــنارة    

إتبنت بإيدين أميــــــــــــــنة(7)

نِفسي اكون بحار ف مركـــب    

كل يوم أبقي ف مديـنـــــــــــــة

    *  *  *  *  *  *  *  *

عايز أصاحب ألف صـاحب   

كل واحد ده ف دولــــــــة

واعبُر البحر بْمراكــــــــــب   

وابني فكرى فْ كل جولة

لما اروح ف بلاد بعيـــــــدة   

كلها .. سحر وجمـــــــــال

ولاّ اشوف دنيا جــــــــــديدة   

تبقي أروع م الخـــــــــيال

والقي أحلامي السعـــــــــيدة   

تمحي أيامي الحزينــــــــة

نِفسي اكون بحار ف مركب   

كل يوم أبقي ف مدينــــــة

   *  *  *  *  *  *  *

ـــــــــــــــــــــــــــــــــــــــــــــــــــــــــــــــــــــــــــــ

(1) نِفسي : أتمني . (2) عايز : أريد . ألِف : المراد أزور وأتجول . أروح : أذهب . (3) آخد : آخذ .

(4) موش ح اخاف : لن أخاف. مينا : ميناء . (5) أشوف : أرى . (6) أبتدي : أبدأ . (7) ميت : مائة .

ــــــــــــــــــــــــــــــــــــــــــــــــــــــــــــــــــــــــــــــ

         (27)الصــــــداقة

من أول ما عرفت الدنيــــــــا    

وانا ليّة .. أكتر من صاحـــــب(1)

وقابلت كتير ياما ناس تانــــية   

كان قلبي .. منهم بيحاســـــــب(2)

شفت اللي بيطمع ف المـــــال   

شفت اللي يبيعني  .. ف الـحال(3)

وقابلت انا إللي ابن حـــــــلال   

إللي بيستاهل يتصاحــــــــــــب(4)

من أول ما عرفت الدنـــــــــيا   

وانا ليّة .. أكتر من صاحـــــــــــب

      *  *  *  *  *  *  *  *

أنا ياما عرفت من الــــــــناس     

أصحاب صاحبوني لـْمنافعـــــــهـم

دول بقي عرفوني .. وخلاص   

علشان أنا كنت اللي نافعــــــهم(5)

وف يوم مصالحهم ما بتخلـَص   

ماالقاش واحد فيهم مُخــــــلِص(6)

والقي جمايلي عليهم ترخــص   

ويورّوني ف الغش مواهــــــب(7)

من أول ما عرفــت الدنـــــــــيا   

وانا ليّة .. أكتر من صاحــــــــــــب

      *  *  *  *  *  *  *  *

أنا شفت كتير م الأصـــحاب    

اللي يضروا حقيقي صاحبــــــــــهم

ويخلــّوا حــياته .. دى عذاب    

من سوء أعمالهم وعيــــــوبهم(8)

صحبتهم دى .. مالهاش قيـمة   

خلــّـتني معاهم ف خصــــــومة(9)

وانا بُعدي ..عنهم ده غنيـــمة   

ولا يمكن يبقوا لي حبايـــــــب(10)

من أول ما عرفت الدنيــــــــا   

وانا ليّة .. أكتر من صـــــــــــــاحب

      *  *  *  *  *  *  *  *

الصاحب المخلص ده حقيقي   

يلحقني .. دايماً ف الشـــــــــدة(11)

هوّه .. ده .. بس اللي صديقي    

إللي أهْديه انا كل مــــــــــــودة(12)

علشان موش عايز حاجة مني   

وان كنـت مفلـّس ح يصـــونـّي(13)

موش ييجي ف لحظة ويخونـّي  

ولاّ يجيب سـيرتي .. ويعَايب ..(14)

من أول ما عرفت الدنــيــــــــــا   

وانا ليّة .. أكــتر من صــــــــــــاحب

       *  *  *  *  *  *  *  *

ــــــــــــــــــــــــــــــــــــــــــــــــــــــــــــــــــــــــــــ           

(1) لية : لي . (2) ياما : الكثير . تانية : أخرى .

(3) شفت : رأيت . اللي : الذي . (4) يستاهل :  يستحق .

(5) دول : هؤلاء . بقي : هكذا . وخلاص : فقط . علشان : لأني . (6) تخلـَص : تنتهي . ماالقاش : لا أجد.(7) ألقي : أجد . جمايلي : الجميل : المعروف . ترخص : تهون . يورّوني : أي أري منهم .

(8) يخلوا : يجعلوا . (9) مالهاش : ليس لها . خلــّـتني : جعلتني . معاهم : معهم . (10) حبايب : أحباء .(11) دايماً : دائماً . والِشدة : الضيق و الكرب .

(12) هوه : هو . بس : فقط . (13)علشان : لأنه .موش عايز : لا يريد .حاجة : شئ . مفلــّس : لا أملك شيئاً . يصوني : يصونني .

(14) موش ييجي : أي ولا يأتي . يخوني : يخوننى . يجيب سيرتي ويعايب : أى يذكرني بالسوء في غيابي.

ـــــــــــــــــــــــــــــــــــــــــــــــــــــــــــــــــــــــــــــ

    (28)عشـــــان نــــكون سعـــــــداء*

عصفور وواهبه ربنا من الجــــــــمال ألــوان

موش بس صورة أو غـُنا..كمان حكيم فنان1

كان مرة طاير والهـَنا فارد جناحــــه معاه(2)

عشان خلاص عِشه إتبني وفيه حبيب فرحان
لكن عشان كل المـــني تفضـــل تطير ويّاه(4)

لازم يجيب قمح وكلا من تحت غصن البان(5

ولنحسه كان بين الشجر صياد فارد له شِبــاك

صرخ ف وش ده الخطر:إلحقني يا رحمن..(6

لكن ده كان حكم القـدر إنه صــــــــبح له هناك

سجن ف قفص وسط البشرويلاقي فيه الأشجان

وف مرة شاف نور القمر طالع يواسي عْينيه(8

غنـّي لأحزان السهر:راح تمـــشي يا أحزان..(9

ساعتها سِمعه اللي ظلم حلمه اللي عاش يسقيه

قال له:بقي انت اللي انظلم بتغني موش زعلان؟

قال : ربنا رب النعَم دايماً حــكيم ف الغيب(12)

وقلبي مايدوقش الألم مادام ماليه إيـــــمان(13)

وكل واحد لو رضــــا باللي عليه مكتـــــــــــــوب

عمر الألم ده والشقــا مايعذبوا الإنســــــان(14)

ـــــــــــــــــــــــــــــــــــــــــــــــــــــــــــــــــــــــــــــــ

* عشان : لكي . (1) موش بس : ليس فقط .صورة : شكل .غـُنا :غناء .كمان : أيضاً .(2) الهنا : الهناء . فارد : باسط . معاه : معه . (3) عشان : لأن . خلاص : تماماً . فرحان : سعيد .(4) تفضل : تظل . وياه : معه .

(5) لازم : لابد . يجيب : يُحضر . والكلأ : طعام الطيور . والبان :  نوع من الأشجار .

(6) ف وش : في وجه .

(7) الأشجان : الأحزان . (8) شاف : رأى .

(9)  راح تمشي : سوف تزولي .

(10) اللي : الذى . (11) بقي : معقول . إنظلم : ظـُلم . موش زعلان  : لستُ غاضباً أوحزيناً . (12) دايماً : دائماً .(13) مايدوقش : لا يتذوّق . ماليه : يملأوه .

(14) الشقا : الشقاء والتعاسة .

ــــــــــــــــــــــــــــــــــــــــــــــــــــــــــــــــــــــــــــــ

       (29)باحـــــب الإبتــــــكار

باحب افكـّر ف بحر العـــــــلم ده الواســع

ونِفسي يوم أخترع فيه شئ جديد نافع(1)

عايز تملــّي أفيد النـاس بتفكــــــــيري(2)

عشان حياتي أنا تنفـع بقي غيـــــــري(3)

والاقي ف دنيتي م الكــــــــــــــل تقـــديري

ساعة مااقدم كده للناس عـــــمل رائـع(4)

باحب افكـّر ف بحر العلـــم ده الواســـــــع

ونِفسي يوم أخترع فيه شئ جديد نافــــــع

        *  *  *  *  *  *  *  *  *

عشان أحقق مــــــنايا ده ف يـوم لازم(5)

أدرس تملــّي الجــديد ف عْلوم بقي كـْتيرة

وافهم كمان إنجازات أبدعها ميْت عالِم(6)

عشان يكون لي أنا قيمة كده كـْبيـــــــــــرة

ويبقي ليّة إخـْتراع ف الخير ده بيساهم(7)

واكون حقيقي فْ مجال العـــــــــلم ده بارع

 باحب افكـّر ف بحر العلم ده الواســـــــــع

 ونِفسي يوم أخترع فيه شئ جـــــديد نافع

           *  *  *  *  *  *  *  *  *

عايز أكون ف الحياة عالِم خبــــير بيها(8)

عشان باحب العلوم ســـــــــاعة مابادرسْها

ونِفسي يوم أبتدي أكتب كتــــــــاب فيها(9)

وافضل أضيف للحضارة شئ بينقصها(10)

واسيب ف غيري أثر والدنيا أهـــديها(11)

شمعة تنوّر بنور العلم ده الـــــــساطع(12)

باحب أفكـّر ف بحر العــلم ده الواســــــــــع

ونِفسي يوم أخترع فيه شئ جــــــــديد نافع

          *  *  *  *  *  *  *  *  *

ــــــــــــــــــــــــــــــــــــــــــــــــــــــــــــــــــــــــــــ     

(1) نِفسي : أتمني . (2) عايز : أريد . تملـّي : دائماً .

(3) عشان : لكي . بقي : هكذا .(4) كده : هكذا .

(5) عشان : لكي . لازم : لابد . (6) كمان : أيضاً . ميت : مائة . (7) لية : لي .(8) عايز : أريد .بيها : بها . (9) أبتدى : أبدأ . (10) أفضل : أظل .(11) أسيب : أترك . (12) تنوّر : تـُنير . الساطع : اللامع .

ــــــــــــــــــــــــــــــــــــــــــــــــــــــــــــــــــــــــــــ

     (30)أحــــلام طـــــفل

العالم ليه النــــــــــــهارده

إتملا .. ظـــــــلم وظـــــلام؟(1)

نِفسي اشوف الدنيا تهــدي

والحياة تبــــــــقي فْ سلام(2)

ناس كتير بينهــــم حروب      

فيه عداء بين الشعـــــــــــــوب

والضلال عاش ف القلوب      

والأمل أصبــــــــــــــــح حُطــام

العالم ليه النهـــــــــــــارده      

إتملا .. ظلــــــــــــــــم وظــلام؟

     *  *  *  *  *  *  *  *

المصالح والفـــــــــــــلوس     

خلــّت الناس دول ف غابــة(3)

ياما فيه ف الكـــون نفوس      

أصبـــحوا زى الديــــــــــابة(4)

والقوى بيئذى الضعيــــف       

والحياة غـــش وْ خــــــــداع(5)

والقلوب عايشة ف صراع      

بين ضلالي ده وْشريــــــــــــف

نِفسي اشوف يوم السلام ده     

يحضن الكـــــــــــــون ع الدوام

العالم ليه النــــــــــــــهارده 
إتملا .. ظــــــــــــلم وظـــــــلام؟ 
  *    *    *    *    *    *
النـــفوس خلــّوا الشـْيطان    

يحكم الدنـــــــــــــيا بشـــرّه(6)

والضمير أصـــــــبح مُهـان    

من بداية الكــــــــــون لأخــــره

والإيمان أصــبح غريـــــب    

والأمان إتـْصـــــــــاب بســـهـم

والشعوب عايشة..ف ظلم    

والعذاب أصبـــــــــح رهيـــــب

والكلام مايجيـــــبش فايدة     

والحوار أصـــــبح حــــرام(7)

العالم ليه النــــــــــــهارده    

إتملا .. ظـــــــــــلم وظــــــلام؟

    *  *  *  *  *  *  *  *

إمتي أشوف الحــــــق يوم    

يهزم الظلم العــــــــــــنـيد؟(8)

نِفسي ألقي الخــــــير يدوم    

والشـْيطان يصــــــــــــبح بعيد

والحياة دي تِبقي بـــــــسمة   

كلها حــــــــــــــــــــــب ووْفاء

والهنـَا يمحي الــــــــــشقاء   

والقلوب دى تـْعيـش ف رحمة

والضمير ده والمـــــــــودة   

يمحوا شر الكـــــــون قوام(9)

العالم ليه النهــــــــــــــارده   

إتملا .. ظـــــــــــــــلم وظـلام؟

   *  *  *  *  *  *  *  *

ـــــــــــــــــــــــــــــــــــــــــــــــــــــــــــــــــــــــــ

(1) ليه : لماذا ؟ النهارده : اليوم .إتملا : إمتلأ . (2)  نِفسي : أتمني . أشوف : أرى . (3)الفلوس : الأموال . خلت : جعلت . دول : هؤلاء .(4) ياما : كثيراً . زى : مثل . الديابة : الذئاب . (5) بيئذي : يؤذي .

(6) خلوا : جعلوا . (7) مايجيبش فايدة : لا فائدة منه . (8)  إمتي : متي ؟ (9)  قوام : بسرعة .

ـــــــــــــــــــــــــــــــــــــــــــــــــــــــــــــــــــــــ

                     تم الكتاب بحمد الله.

***حقوق الطبع والنشر والملكية الفكرية محفوظة للمؤلف بدار الكتب والوثائق القومية المصرية كما تم توثيق الكتاب بمكتب الشهر العقارى بالإسكندرية.

ـــــــــــــــــــــــــــــــــــــــــــــــــــــــــــــــــــــــ

أغانى وأزجال الكتاب

(1) الإهداء                    

(2) جنة الحب

(3) الضمير                   

(4) العلم نور

(5) عالم الجمال              

(6) ياللا نطير

(7) الوقت من دهب          

(8) جزاء الأمانة

(9) أمنية الطفولة             

(10) البغبغان والحرية

(11) مااعرفش الكدب       

(12) الهوايات الأربعة

(13) القطة بسبسة            

(14) العزيمة

(15) وفاء .. كلب           

(16) الرأى والمشورة

(17) الدروس الخصوصية  

(18) بطتي المتدلعة

(19) ماما جت               

(20) التوفير والتبذير

(21) أكلة فراخ               

(22) لعنة الحسد

(23) معرض الزهور        

(24) روعة الرياضة

(25) الكتكوت كوتي         

(26) رحلة ف العالم

(27) الصداقة                 

(28) عشان نكون سعداء

(29) باحب الإبتكار          

(30) أحلام طفل

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

***مؤلفات الشاعر/ جمال البيلي المنشورة حالياً في

مدونات (آداب خالدة):

 (1) جـــــنة الزيــــــف  (  ديــوان شــــــــعر ).

 (2)عــــــودة الأمــــس (مجموعة قصـــصـية).

 (3) أغنــــية حـــــــــب (ديوان أغاني وأزجال).

 (4)زهرة من الجنة ( ديوان أغـــــاني وأزجال).

 (5)بستان العشق  (ديوان أغـــــــــاني وأزجال).

 (6) جنة الحب (ديوان أغاني وأزجال للأطفــال).

 (7) إغتيال قلب  (ديوان  أغـــــــــاني وأزجال ).

 (8)  المرجيحة  (ديوان أغــــــــــــاني وأزجـال).

 (9) العاشق الكذاب (ديوان أغــــــــاني وأزجال).

    (10) أزاهـــير المـــــسرح (مســــــــــرحيـــــات).

    (11) مختارات من أجمل مؤلفات الأديب / جمال البيلي.

***ويمكنك الآن عزيزي القارئ قراءة كل هذه المؤلفات باستخدام الرابط التالي:

https://plus.google.com/u/0/112674594392432263256#112674594392432263256/posts
ـــــــــــــــــــــــــــــــــــــــــــــــــــــــــــــــــــــــــــــــــــــــ

مدونات الشاعر/ جمال البيلي في التصوير الفوتوغرافي والفنون التشكيلية;ـ
 Blog 1 : Global Images (1) : with the images of Istanbul trip (part 1
Blog 2 : Global Images (2) : with the images of Istanbul trip (part 2
Blog 3 : Global Images (3) : with the images of Nepal trip (part 1
  Blog 4 : Global Images (4) : with the images of Nepal trip (part 2
 Blog 5 : Global Images (5) : with the images of Nepal trip (part 3
 Blog 6 : Global Images (6) : with the images of Malaysia trip (part 1
 Blog 7 : Global Images (7) : with the images of Malaysia trip (part 2
 Blog 8 : Global Images (8) : with the images of Malaysia trip (part 3
 Blog 9 : Global Images (9) : with the images of Malaysia trip (part 4
 Blog 10 : Global Images (10) : with the images of Malaysia trip (part 5
Blog 11 : The Poet / Gamal Elbialy blog in arts

Blog 12 : Around The World (1): with the images of The Poet / Gamal Elbialy trips around the world (part 1

Blog 13 : Around The World (2): with the images of The Poet / Gamal Elbialy trips around the world 

(part 2

Blog 14 : Around The World (3): with the images of The Poet / Gamal Elbialy trips around the world (part 3

Blog 15 : Around The World (4): with the images of The Poet / Gamal Elbialy trips around the world (part 4

Blog 16 : Around The World (5): with the images of The Poet / Gamal Elbialy trips around the world (part 5 

ويمكنك الآن عزيزى القارئ قراءة كل هذه المدونات باللغة الإنجليزية بإستخدام الرابط التالى:_
https://plus.google.com/u/0/112674594392432263256#112674594392432263256/posts
ـــــــــــــــــــــــــــــــــــــــــــــــــــــــــــــــــــــ
مؤلفات الشاعر/ جمال البيلي المترجمة من اللغة العربية إلي اللغة الإنجليزية والمنشورة حالياً في مدونات (آداب خالدة) باللغة الإنجليزية:ـ
 Blog 1: Immortal Literatures (1):with book (Paradise of Falsity) (Poetry book).

Blog 2: Immortal Literature (2):with book (love Song) (book of songs and colloquial poetry).

Blog 3: Immortal Literatures (3):with book (Assassination of Heart) (book of songs and colloquial poetry).

Blog 4: Immortal Literatures (4):with book (The Swing) (book of songs and colloquial poetry).

Blog 5: Immortal Literatures (5):with book (The Liar Lover) (book of songs and colloquial poetry).

ويمكنك الآن عزيزى القارئ قراءة كل هذه المدونات باللغة الإنجليزية بإستخدام الرابط التالي

https://plus.google.com/u/0/112674594392432263256#112674594392432263256/posts

ـــــــــــــــــــــــــــــــــــــــــــــــــــــــــــــــ

***ملحوظة هامة : ترسل جميع الرسائل والتعليقات علي عنوان البريد الإلكترونى للمؤلف وهو:

   gamalelbialy@rocketmail.com

وسيقوم المؤلف بالرد عليها بنفسه في أقرب وقتٍ ممكن .